Այս էջի բովանդակությունը մասամբ ավտոմատ թարգմանություն է:
Powered by Yandex.Translate
open

ՀԱՅՏՆԱԳՈՐԾԻՐ ՀԱՅ ԳՐԱԿԱՆՈՒԹՅՈՒՆԸ

T4A Admin
Գրականություն և հրատարակչական գործ
travel icon Երևան

Ունե՞ք հարցեր:

Ցանկանում եք աջակցե՞լ այս ծրագրին:

Մենք «ԱՐԻ» գրականության հիմնադրամում համոզված ենք, որ գրքերը դեսպաններ են, որոնք լավագույնս ներկայացնում են ազգը և կարող են մեծապես նպաստել երկրի քաղաքական ու տնտեսական զարգացմանը, բարելավել տարբեր խնդրաշատ ոլորտներ, ինչպիսիք են մշակույթը, կրթությունը և առողջապահությունը:

Մեր «Հայտնագործի՛ր հայ գրականությունը» ծրագիրը նախագծվեց այնպես, որ ստեղծվեն անհրաժեշտ բազային պայմաններ Հայաստանում գրքի շուկայի զարգացման և աշխարհում հայ գրականության խթանման համար:

Ծրագրի հիմնական նպատակն է` աշխարհի ընթերցողներին ծանոթացնել հայ հեղինակների գրքերին: Սա պահանջում է հատուկ պայմաններ, որոնք կապահովեն մի քանի փոխկապակցված հաստատությունների արդյունավետ աշխատանքը:

Ծրագիրը հիմնականում կանդրադառնա հետևյալ հարցերին` 

  • Աջակցել գրողներին իրենց ստեղծագործական ջանքերում,
  • Անցկացնել վերապատրաստում հայերենից օտար լեզուներով հմուտ թարգմանության ուղղությամբ,
  • Ներկայացնել հայ գրականությունը միջազգային շուկաներում,
  • Տրամադրել թարգմանության աջակցության դրամաշնորհներ օտարերկրյա հրատարակիչներին՝ որպես հայ գրական գործերը հրատարակելու խթան,
  • Հայ գրողներին ներկայացնել աշխարհին գրական լրատվամիջոցների, փառատոների, հասարակական միջոցառումների և այլնի միջոցով:

Ծրագրի նպատակային լսարանը ներառում է գրողներ, թարգմանիչներ, խմբագիրներ, հրատարակիչներ և ընթերցողներ:

Ծրագրի հիմնական գործողությունները ներառում են`

  • Ստեղծել առցանց տվյալների բազա ժամանակակից գրողների և նրանց անգլերեն լեզվով ստեղծագործությունների համար՝ դրանով իսկ ժամանակակից հայ գրականությունը դարձնելով տեսանելի և հասանելի միջազգային հանրության ու մասնագետների համար:
  • Հայտնաբերել, վերապատրաստել և աջակցել հայերենից օտար լեզուներով գրքեր թարգմանող գրական թարգմանիչներին գրական թարգմանիչների կենտրոն ստեղծելու նպատակով:
  • Մասնակցել գրքի միջազգային տոնավաճառներին և խթանել հայ գրականությունը՝ առաջ բերելով արտասահմանյան հրատարակիչների հետաքրքրությունը:
  • Տրամադրել թարգմանության աջակցման դրամաշնորհներ որպես խթան հրատարակիչներին՝ տպագրելու հայ գրական երկերը թարգմանաբար:
  • Հեղինակավոր գրական պարբերականներում տպագրել հայ գրականության մասին հոդվածներ և հայ հեղինակների ստեղծագործությունները։
  • Աջակցել հեղինակների մասնակցությանը աշխարհի գրական փառատոններին և կարևոր իրադարձություններին:

Մեր ռեսուրսները

Մասնագիտական անձնակազմ, կամավորներ, գրասենյակային տարածք, սարքավորումներ:

Ի՞նչ է մեզ անհրաժեշտ

Այս նախագծին աջակցող փորձագետներն են

Together 4 Armenia 2015-2017
Կայքը որևէ կերպ չի արտահայտում Եվրոպական միության տեսակետները: