2015 թվականին մեր կազմակերպության անդամները հասկացան, որ մեր համայնքի զարգացման համար անհրաժեշտ է այլընտրանքային մոտեցում՝ մշակույթ և տուրիզմ համաձուլվածքով: Մեկնարկեց Սևան երաժշտական փառատոնը, որի հիմնական նպատակն է ստեղծել մշակութային նոր որակ փոքր համայնքում, դրա միջոցով ներգրավել տուրիզմը դեպի քաղաք և օգնել մեր ամենամեծ ռեսուրսին՝ լճին, քարոզելով խնամք ու սեր նրա հանդեպ:
Փառատոնն արդեն անցած տարի հյուրընկալեց երիտասարդ երաժշտական խմբեր թե Հայաստանից, թե արտերկրից: Այն դարձավ մշակութային երկխոսության հետաքրքիր ձևաչափ: Փառատոնն առաջին տարվանից ունեցել է այս 3 նպատակները`  - Մշակութային. դառնալ հարթակ երիտասարդ խմբերի և կատարողների համար և դառնալ կամուրջ մասնակիցների միջև համագործացելու համար, ինչպես նաև նոր որակի մշակութային իրադարձություն դառնալ համայնքում: 
- Տնտեսական. փառատոնի միջոցով ավելի մեծ քանակությամբ տուրիստներ և այցելուներ ներգրավել դեպի Սևան, որն արդեն տվել է իր ազդեցությունն այս տարիների ընթացքում: Դա է պատճաառը, որ փառատնային 2-րդ օրն անցկացվում է Սևան քաղաքում: 
 - Բնապահպանական. մեր միակ հարստության Սևանա լճի հանդեպ վերաբերմունքի քարոզով է հանդես գալիս փառատոնը, որի ուղերձներից մեկն է #ՇնորհակալությունՍևան, որը մտածել է տալիս մարդկանց, թե ինչի համար կարելի է շնորհակալ լինել ու ավելի խնամքով վերաբերվել: 
Անցած տարվա վիդեոկոչերին միացան նաև մշակույթի նախարարը, մարզպետը և բազմաթիվ այլ մարդիկ: Մեր թիրախը համայնքն է և բոլոր այն մարդիկ, ովքեր սիրում են երաժշտություն, ամառ, արև և Սևան: 
Փառատոնը տեղի է ունենում 2 օր - այս տարի օգոստոս 10,11-ին: Առաջին օրը Սևանա լճի ափին, մասնակիցներին նավով էքսկուրսիա, փորձ և Փառատոնի բացման համերգ, իսկ 2-րդ օրը` Սևան քաղաքի հրապարակներից մեկում ավարտվում  փառատոնի փակման համերգով: Մասնակիցներն ակամայից դառնում են փառատոնի գաղափարը կրողներ և տարածողներ` «Փոխենք երաժշտությամբ» և «Շնորհակալություն Սևան»:
Փառատոնի մուտքն ազատ է, առանց տոմսերի, մասնակիցները չեն վճարում անդամավճար և չեն ստանում հոնորար, որովհետև մեզ մոտ մասնակցում են այն խմբերը, ովքեր կիսում են մեր գաղափարները: Նրանց գիշերակացը և սնունդն հոգում է փառատոնը: 4 տարվա մեջ փառատոնը դարձավ միջազգային